Shqipëria ka importuar vlerën më të ulët historike të 7 viteve të fundit për produktin e karburantit.<br /><br />Sipas të dhënave zyrtare të publikuara nga Ministria e Financave nafta e blerë në tregjet e huaja në fund të muajit Dhjetor, shënoi sasinë e 400 mijë tonëve, duke pësuar një rënie prej 107 mijë tonësh krahasuar me një vit më parë.<br /><br />Të dhënat tregojnë se këto vlera të importit të naftës janë më të ulëta se në të gjitha vitet, përfshi edhe 2010-ën, kur importet ishin 484 mijë ton.<br /><br />Por sipas Drejtorisë së Doganave, edhe pse importet e këtij produkti kanë qenë të ulëta, konsumi i naftës vijon të pësojë rritje. E gjithë diferenca e sasisë që nuk është importuar është plotësuar nga nafta e prodhuar në vend.<br /><br />Të dhënat zyrtare të drejtorisë së Doganave tregojnë se për periudhën janar- tetor, vetëm në 10 muaj, tregu vendas ka konsumuar 144 mijë ton naftë të rafinuar në Shqipëri, thënë ndryshe, 1 në katër litra karburant është prodhuar në vend.<br /><br />Rritja e prodhimit vendas krahasuar me vitin 2016-ë është 1800% më shumë.
